Үндсэн цэс
Шинэ
Тоосжилтын хуанли
Сурталчилгаа
ФЛУЦИНАР (Fluocinolone acetonide)
(Fluocinolone acetonide)
НАЙРЛАГА:
Fluocinolone acetonide 0.25 мг
Vehiculum хүртэл 1.0 г
ЭМИЙН ХЭЛБЭР: 0.25%-ийн гадуур хэрэглэхэд зориулагдсан тосон түрхэц
ФАРМАКОЛОГИЙН ҮЙЛДЭЛ:
Үрэвслийн эсрэг, харшлын эсрэг болон загатнааны эсрэг бэлдмэл бөгөөд үйлдэл нь гидрокортизоноос илүү хүчтэй тосон түрхэц юм.
ХЭРЭГЛЭХ ЗААЛТ:
• Стероид дааврын бэлдмэлээр дарагдаагүй харшлын гаралтай арьсны хурц болон хүнд явцтай үрэвсэл
• Ужгирсан хэлбэрийн хайрст үлд
• Тархмал хэлбэрийн чонон хөрвөсийн тууралт
• Мультиформт эритем
• Занатнаа ихтэй хавтгай үлд болон хумсны ялтаст гарсан үед
• Тосорхог (себоррей) дерматит
ХЭРЭГЛЭХ ТУН БА АРГА:
Флуцинар тосон түрхэцийг хэсэг газар арьсанд түрхэж хэрэглэнэ. Хэрэглэх давтамж болон аргыг эмч зааж өгнө. Уг тосон түрхэцийг самбайд жигд нялж арьсны гэмтэлтэй болон өвдөлттэй хэсэгт тавьж хэрэглэнэ. Эсвэл арьсны үрэвсэлтэй хэсэгт бага хэмжээний тосон түрхэцийг өдөрт 2-3 удаа түрхэж хэрэглэнэ.
Хайрст үлдийн үед флуцинараар боолт тавьж болно.
Эмчилгээний үр дүн илэрвэл эмчилгээг зогсооно. Уг эмчилгээг тасралтгүйгээр 3-4 долоо хоног үргэлжлүүж хэрэглэх шаардлагагүй.
ГАЖ НӨЛӨӨ:
Флуцинарыг удаан хугацаагаар хэрэглэвэл эпидермисийн ургалтыг дарангуйлж өөхөн эдийг хатингаржуулж арьсанд нөсөө үүсгэдэг.
Түүнчлэн арьс улайх, хэт эвэрших, шархны эдгэрэлт удаашрахаас гадна арьсанд цус харвах гаж нөлөөгөөр илэрнэ.
Эдгээр гаж нөлөөнүүдийн аль нэг нь таньд илэрвэл эмчлэгч эмчдээ яаралтай хандана уу! Хэрэглэх явцад арьс цочирч улайвал тосон түрхэцээ хэрэглэхээ яаралтай зогсооно.
ЦЭЭРЛЭЛТ:
• Нянгийн, мөөгөнцрийн болон вирусийн гаралтай арьсны үрэвсэлт өвчин
• Арьс салстын хавдар болон түүний урьдал өвчин
• Ягаан болон идээт батга
• флуцинарт харшилтай хүмүүст
АНХААРУУЛГА
• Нүүрний арьсанд аль болох удаан хэрэглэхээс зайлсхийх шаардлагатай (гаж нөлөөнөөс хар)
• Нүдний өмнөх камерийн өнцгийн өөрчлөлт бүхий нүдний даралттай болон катаракттай хүмүүст зовхинд болгоомжтой хэрэглэнэ.
• Бага насны хүүхдэд богино хугацаанд, болгоомжтой хэрэглэнэ.
АНХААРУУЛГА:
ЖИРЭМСЭН БОЛОН ХӨХҮҮЛ ЭХЭД
Их талбай хамарсан эмгэгийн үед жирэмсэн эх удаан хугацаагаар уг бэлдмэлийг хэрэглэхийг хориглоно.
ЭМИЙН ХАРИЛЦАН НӨЛӨӨ:
Практикт ажиглагдаагүй.
ХАДГАЛАЛТ
250 С-ээс дээшгүй газарт хадгална.
Хүүхдэд бүү ойртуул!
САВЛАЛТ
15 гр тюбикт савлагдана.
ҮЙЛДВЭРЛЭГЧ
Фармзавод Jelfa A.O.
ul. W.Pola 21. 58-500 Jelenia Gora
ПОЛЬША
ЛОРИНДЕН® С
НАЙРЛАГА:
Flumethasonum pivalicum 0.0002 г
Clioquinol 0.03 г
Vehiculum ad 1.0 г
ЭМИЙН ХЭЛБЭР БА САВЛАЛТ:
15 гр-аар тюбикт савлагдана.
ФАРМАКОЛОГИЙН ҮЙЛДЭЛ:
ЛОРИНДЕН С-г хэсэг газарт түрхэж хэрэглэхэд үрэвслийн эсрэг, харшлын эсрэг болон загатнааны эсрэг үйлдэл үзүүлдэг бэлдмэл. Түүний найрлаганд орсон Clioquinol (иодохлоргидроксихинолин) нь нянгийн эсрэг, мөөгөнцрийн эсрэг болон үрэвслийн эсрэг үйлдэл давхар үзүүлдэг.
ЛОРИНДЕН С маш бага тунгаар үйлдлээ үзүүлдэг бөгөөд гадуур түрхэж хэрэглэхэд арьс салстаар муу шимэгддэг учир эмчилгээний ерөнхий үйлдэл үзүүлдэггүйгээрээ онцлогтой.
ХЭРЭГЛЭХ ЗААЛТ:
• Арьсны халдварт өвчин
• Арьсны үрэвсэлт өвчин
• Арьсны харшил болон түүний хүндрэлийн үед хэрэглэнэ.
ЭСРЭГ ЗААЛТ:
• Арьсны сүрьеэ
• Тэмбүүний арьсны хэлбэр
• Салхин цэцэг
• Вакцины дараах арьсны хэсэг газрын хариу урвалд хэрэглэхийг хориглоно
ХЭРЭГЛЭХ АРГА,ТУН:
Тосон түрхэцээс бага хэмжээгээр авч өдөрт 2-3 удаа, арьсны гэмтсэн хэсэгт маш нимгэн түрхэж хэрэглэнэ.
АНХААРУУЛГА:
Арьсны мөөгөнцөртөх өвчний үед болгоомжтой хэрэглэнэ.
ҮЙЛДВЭРЛЭГЧ:
Фармзавод Jelfa AO
58-500 Jelenia Gora W.Pola 21
ПОЛЬША
®ТАВЕГИЛ
Фармакологийн бүлэг:
Харшлын эсрэг буюу Н1-гистамины рецепторыг дарангуйлдаг бүлгийн эм
НАЙРЛАГА:
Нэг шахмалд:
Идэвхтэй бодис: 1,34 г клемастин гидрофумарат, энэ нь 1 мг эквивалент клемастинтай тэнцэнэ.
Туслах бодист: лактоз, повидон, эрдэнэ шишийн цардуул, магнийн стеарат, тальк.
ҮЙЛЧЛЭГЧ БОДИС: 1,34 г клемастин гидрофумарат
ЭМИЙН ХЭЛБЭР: ууж хэрэглэх шахмал
ФАРМАКОЛОГИЙН ҮЙЛДЭЛ:
Харшлын эсрэг, загатнаа намдаах, судасны нэвчимтгий чанарыг багасгах үйлдэлтэй. (нойрсуулах үйлдэлгүй) Гистаминаар өдөөгддөг гөлгөр булчингийн агшилтыг сулруулахын зэрэгцээ судсыг хэт өргөсөхөөс сэргийлэх, капилляр судасны хананы нэвчимтгий чанарыг багасгах, шүүрэл ялгаралтыг багасгаж хаванг бууруулах үйлдэлтэй.
Уг бэлдмэлийн гистамины эсрэг үйлдэл нь 5-аас 7 цагийн дараа илэрч 10-аас 12 цаг хүртэл үйлдлээ хадгалдаг. Дээд тал нь 24 цаг үйлдэл нь үргэжилнэ.
ФАРМАКОКИНЕТИК:
Дотуур ууж хэрэглэсний дараа клемастин хоол боловсруулах замаар бүрэн шимэгдэж 2-4 цагийн дараа цусанд агуулагдах эмийн концентраци дээд хэмжээнд хүрнэ. Цусны уурагтай 95% нь холбогддог. Цуснаас хоёр үе шаттай ялгардаг. Эхний хагас элиминацийн хугацаа 36±09 цаг, дараагийн хугацаа 37±16 цаг үргэжилнэ. Клемастин элгэнд бага хэмжээний хувиралд орно. Хувирлын үр дүнд үүссэн метаболитийн 45-65% нь шээстэй хамт гадагш ялгардаг бол хувиралд ороогүй идэвхтэй хэлбэрээр шээсэнд үл ялиг хэмжээтэйгээр тодорхойлогддог. Хөхүүл үед хөхний сүүгээр клемастин тодорхой хэмжээгээр ялгарна.
ХЭРЭГЛЭХ ЗААЛТ:
• Харшлын гаралтай хамрын салстын үрэвсэл, харшлын гаралтай нүдний салстын үрэвсэл
• Янз бүрийн шалтгаантай чонон хөрвөс
• Арьсны загатнаа, загатнаат дерматоз
• Цочмог болон архаг намарс, хавьтал харшлын дерматит
• Эмийн харшил
• Шавьжинд хазуулж, хатгуулах зэрэгт хэрэглэнэ.
ХЭРЭГЛЭХ АРГА БА ТУН ХЭМЖЭЭ:
Насанд хүрэгсдэд болон 12-с дээш насны хүүхдэд 1 шахмалаар (1мг) өглөө орой ууж хэрэглэнэ.
6-12 насны хүүхдэд ½-1 шахмалаар өглөөний хоолны өмнө ба орой унтахаас өмнө ууж хэрэглэнэ.
ЭМИЙН ГАЖ НӨЛӨӨ:
Ядрамтгай болох, нойрмоглох, толгой өвдөх, толгой эргэх, ядарч сульдах, сааталд орохын зэрэгцээ хөдөлгөөний тэнцвэрт байдал өөрчлөгдөх, дотор муухайрах, аюулхай орчмоор өвдөх, өтгөн хатах, бөөлжис зутгах, цөөн тохиолдолд ам хатах, хоолны дуршил буурах зэрэг шинж тэмдэг илэрч болзошгүй.
АНХААРУУЛГА:
Тунг хэтрүүлэн хэрэглэсэн тохиолдолд:
Ам хатах, хүүхэн хараа өргөсөх, их биеийн дээд хэсэгт цус дүүрэх, хоол боловсруулах замын хямралаар илэрнэ (бөөлжис зутгах, аюулхай орчмоор өвдөх, бөөлжих).
ЦЭЭРЛЭЛТ:
• Уг бэлдмэлд мэдрэгшихийн зэрэгцээ МАО-г дарангуйлдаг бүлгийн бэлдмэлийг хавсарч хэрэглэх, амьсгалын доод замын эрхтэний үрэвсэл (ялангуяа гуурсан хоолойн багтраа)
• Хөхүүл эх
• 6 хүртэлх насны хүүхдэд тавегилын шахмал хэлбэрийг хэрэглэхгүй. Харин нэг сар хүртэлх хүүхдэд тавегилийг сироп эсвэл тарилгын эмийн хэлбэрээр хэрэглэнэ.
Жирэмсэн болон хөхүүл үеийн хэрэглээ:
Ургаас эхэд илүү шаардлагатай гэсэн нөхцөлд жирэмсэн эх тавегилийг хэрэглэнэ.
Хөхүүл эх тавегилийг хэрэглэх үед хүүхдийг хөхнөөс гаргах шаардлагатайг анхаар.
ЭМИЙН САВЛАЛТ:
10 шахмалыг блистерт савлана. 2 блистерээр эм хэрэглэх зааврын хамт картон хайрцаганд савлана.
ХАДГАЛАХ НӨХЦӨЛ:
Тасалгааны хэмд хүүхдийн гар хүрэхээргүй газар хадгална.
Триам Денк 40 тариа
Кортикостеройд бэлдмэл.
НАЙРЛАГА: 1мл цагаан суспенз-д 40 мг триамцинолон ацетат агуулагдана.
ХЭЛБЭР: Булчинд болон үений завсар тарьж хэрэглэнэ.
ФАРМАКОЛОГИЙН ҮЙЛДЭЛ:
Триам Денк нь синтетик аргаар гарган авсан глюкокортикойд бөгөөд үрэвсэл, харшлын эсрэг үйлчилгээ үзүүлнэ. Түүний үйлдэл нь 48 цагийн турш үргэлжилнэ.
ХЭРЭГЛЭХ ЗААЛТ:
Хэрхийн гаралтай өвчнүүд, гуурсан хоолойн багтраа,арьсны харшлын өвчнүүд,Квинкийн хаван,лейкеми,цус харвах эмзэгшил,халдвар хордлогын хам шинж,цус задралын цус багадалт,хордлого намарс,загатнаа, чонын хөрвөст үлд, шавьж хорхойд хазуулах,түлэгдэлт ба хөлдөлт зэргийн үед хэрэглэнэ.
ХЭРЭГЛЭХ АРГА, ТУН:
Судсаар тарьж болохгүй. Зөвхөн булчинд болон үений завсар тарьж хэрэглэнэ.
Үений завсар тарихдаа:
Жижиг үенд 5-10мг /0.125-0.25мл/, том үенд 40мг/мл-р тарьж нэг удаад биед орох тунгийн дээд хэмжээ нь 80мг байна. Тун хоорондох зай нь долоо хоногоос багагүй байна.
Булчинд тарихдаа:
Насанд хүрэгчид болон 12-с дээш настай хүүхдэд: Эхлэх тун 40мг бөгөөд өгзөгний булчингийн гадна дээд талд гүнд тарина.
6-12 настай хүүхдэд: Эхлэх 40мг бөгөөд өгзөгний булчингийн гадна дээд талд гүнд тарина.
6-с доош настай хүүхдэд хэрэглэхгүй.
Үений завсар тарьж хэрэглэх нь:
Хэсэг газарт буюу үений завсар тарьж хэрэглэснээр тухайн үений үрэвсэл, хаванг бууруулаад зогсохгүй богино хугацаанд үений хөшингө байдал арилна. Тухайлбал ревматоидный артрит, остеоартроз, тулай өвчний хурц хэлбэрийн артрит, хурц болон хурцадмал бурсит, эпикондилит, тендинит, хурц болон өвөрмөц бус үүсгэгчээр үүсгэгдсэн тендосиновитийн үед илэрдэг үений өвдөлт, хаван, хөдөлгөөний хөшингө байдлыг бууруулдаг.
Булчинд тарьж хэрэглэх нь:
Кортикостеройд эмчилгээ нь харшил, арьсны эмгэгүүд болон холбогч эдийн өөрчлөлтийн үед шаардлагатай байдаг. Харшил ялангуяа улирлын чанартай илэрдэг харшлын үед урьдчилж нэг удаа булчинд тарьж хэрэглэдэг. Энэ заалт нь 6-с доош насны хүүхдэд хамаарахгүй.
Мөн уг бэлдмэлийг ууж хэрэглэхэд эсрэг заалттай өвчтөнд тарьж хэрэглэнэ.
Судалгаагаар нэг удаад 80мг тунгаар булчинд тарьж хэрэглэхэд бөөрний дээд булчирхайн үйл ажиллагаа нь 24-48 цаг дарангуйлагдаад эргэн хэвийн болдог бөгөөд цөөн тохиолдолд 3 долоо хоногийн дараа үйл ажиллагаа нь хэвийн болж байсан нь тогтоогджээ.
ГАЖ НӨЛӨӨ:
Триам Денк бэлдмэлийг хэрэглэж байхад үүссэн гаж нөлөө нь ихэнхи тохиолдолд хэрэглээг зогсооход арилдаг байна. Тарьж хэрэглэхэд ялангуяа үенд тарьж хэрэглэхэд триамцинолоны шимэгдэлт харьцангуй удаан байдаг. Хэдий ийм боловч бусад стеройд бус бэлдмэлийн нэгэн адил ерөнхий үйлчилгээ үзүүлдэг. Үүнтэй холбоотойгоор диспепси, цооролт цус алдалт бүхий шархлаа, хэвлий цардайх, улаан хоолойны шархлаа, улаан хоолойны мөөгөнцөр, хурц нойр булчирхайн үрэвсэл, булчингийн өөрчлөлт, ясны сийрэгжилт, нурууны болон урт ясны хугарал, судасны гаралтай ясны үхжил, тараагуур судасны хатуурал, шөрмөс тасрах, ус давс биед баригдах, даралт ихдэх, батгашилт үүсэх, арьсны шархны эдгэрэлт удаашрах, арьсны хатингаршил, телангиоэктази үүсэх, сарын тэмдгийн мөчлөг алдагдах, сарын тэмдэг ирэхгүй болох, Кушингойд нүүртэй болох, гирсутизм, жин нэмэгдэх, сэтгэл хөөрлийн байдалд орох эсвэл сэтгэл гутралд орох гэх мэт өөрчлөлтүүд илэрдэг. Хүүхдэд удаан хугацаагаар хэрэглэсэн тохиолдолд тархины даралт нэмэгдэх байдал илэрч байсан байна. Шизофрени өвчтэй бол өвчин улам даамжирна. Нүдний дотоод даралт ихсэж глаукома үүсэх, хөхлөгүүд хавагнах, болор цайх, склер болон эвэр бүрхэвч нимгэрэх, вирусын халдварт өртөмхий болох гэх мэт өөрчлөлтүүд нүдний талаас илэрдэг. Ерөнхий биеийн талаас халдварт өртөмхий болох, хоолны дуршил муудах, булчингийн өвдөлт илрэх, үе мөчөөр янгтнах гэх мэт шинж тэмдгүүд илэрдэг. Дээр дурьдсан гаж нөлөөнүүд нь өндөр тунгаар удаан хугацаагаар хэрэглэсэн тохиолдолд үүсч байсан нь тэмдэглэгдсэн байна.
ЦЭЭРЛЭЛТ:
Миастения, дивертикулит, гэдэсний анастомоз хийлгэсэн, тромбофлебит, сэтгэцийн өөрчлөлттэй, бөөрний архаг үрэвсэл, үсэрхийлэл бүхий карцинома, ясны сийрэгжилт болон анамнездээ шархлаа өвчнөөр өвдөж байсан, сүрьеэгийн далд хэлбэртэй болон өмнө нь сүрьеэгээр өвдөөд эдгэсэн, ходоод болон дээрх гэдэсний шархлаатай, вирус болон мөөгөнцрийн халдвартай, хурц солиоролтой, хурц гломерулонефриттэй, хяналтгүйгээр антибиотик хэрэглэсэн хурц халдвартай хүнд тус тус хэрэглэж болохгүй. Үений орчимд хурц халдварын голомттой бол үенд тарьж хэрэглэхгүй. Мөн үений өвдөлт нь гонококк болон сүрьеэгийн гаралтай үрэвслийн шалтгаантай бол хэрэглэхгүй.
БОЛГООМЖЛОЛ БА АНХААРУУЛГА:
Гэдэсний анастомоз хийлгэсэн, тромбофлебит, сэтгэцийн өөрчлөлттэй, бөөрний архаг үрэвсэл, үсэрхийлэл бүхий карцинома, ясны сийрэгжилт болон өгүүлэмждээ шархлаа өвчнөөр өвдөж байсан, сүрьеэгийн далд хэлбэртэй болон өмнө нь сүрьеэгээр өвдөөд эдгэрсэн, ходоод болон дээрх гэдэсний шархлаатай, вирус болон мөөгөнцрийн халдвартай, цочмог солиоролтой, хурц гломерулонефриттэй, хяналтгүйгээр антибиотик хэрэглэсэн хурц халдвартай хүнд, нүдний даралттай болон өгүүлэмждээ гэр бүлийн хэн нэг нь нүдний даралттай гэж оношлогдож байсан бол маш болгоомжтой эмчийн хатуу хяналтын дор хэрэглэнэ.Үений орчим ямар нэг хурц үрэвсэлтэй бол уг үенд тарьж хэрэглэхгүй. Чихрийн шижинг даамжруулдаг тул инсулин болон бусад сахар бууруулах эмийн тунг нэмж өгөх шаардлагатай. Сарын тэмдгийн мөчлөг алдагдвал эмэгтэйчүүдийн эмчид хандах хэрэгтэй.
Судсаар тарьж болохгүй. Кальцийн биеээс гадагшилтыг нэмэгдүүлдэг тул эмчилгээний явцад витамин Д болон кальциар баялаг хоол хүнс түлхүү хэрэглэнэ.
Жирэмсэн болон хөхүүлд
Жирэмсэн үед ялангуяа жирэмсний эхний 3 сард , хөхүүлд үед хэрэглэхийг хориглоно.
ХАДГАЛАХ НӨХЦӨЛ:
25 цельсийн хэмээс доош хэмд гэрлээс хамгаалж хүүхэд хүрэхээргүй газар хадгална. Хөлдөөхгүй байх хэрэгтэй.