Үндсэн цэс

Шинэ

Пимафукорт Pimafucort

 Бүртгэлийн дугаар:

Гадуур хэрэглэхэд зориулсан тосон түрхэц

Гадуур хэрэглэхэд зориулсан крем

Дүрслэл:

Крем:Цагаан буюу шаргал туяатай цагаан өнгийн крем

Тосон түрхэц: Цагаан болон шар өнгийн крем

Найрлага:

Крем:

1г кремд:

Үйлчлэгч бодис:

Натамицин                                                                     10мг

Неомицин (неомицины сульфат хэлбэрээр)                 3500ЕД

Микронжуулсан гидрокортизон                                      10мг

Туслах бодис:

Натрийн цитрат 14мг, цийдмэгжүүлэгч F 115мг, сорбитаны стеарат 30мг, цетилэфирийн лав 60мг, цетиол V 150мг, макрогол стеарат 100 20мг, метилпарагидроксибензоат 2мг, пропилпарагидроксибензоат 0.5мг, цэвэршүүлсэн ус 1000мг хүртэл тус тус агуулагдана.

Тосон түрхэц:

1г тосон түрхэц-д:

Үйлчлэгч бодис:

Натамицин                                                                     10мг

Неомицин (неомицины сульфат хэлбэрээр)                 3500ЕД

Микронжуулсан гидрокортизон                                      10мг

Туслах бодис:

Тосон түрхцийн полиэтилен суурь (95% шингэн парафин, 5% полиэтилен) 976.5мг тус тус агуулагдана.

Эмийн эмчилгээний бүлэг:

Глюкокортикоид + аминогликозидын бүлгийн антибиотик + мөөгөнцрийн эсрэг бэлдмэл

Код АТХ:

D07CA01

Фармакологийн үйлдэл:

Бактерийн ба мөөгөнцрийн эсрэг, хэсэг газрын үрэвслийн эсрэг үйлдэлтэй нийлмэл найрлагатай бэлдмэл.

Неомицин нь аминогликозидын бүлгийн өргөн хүрээний үйлдэлтэй антибиотик бөгөөд грам эерэг (Staphylococcus spp., Enterococcus spp) ба сөрөг бактерийн (Klebsiella spp., Proteus spp., Escherichia coli  ба бусад) эсрэг үйлчилдэг.

Натамицин нь полиены бүлгийн мөөгөнцрийн эсрэг бэлдмэл бөгөөд хөрөнгөний болон хөрөнгөний төст мөөгөнцрийн (ялангуяа Candida spp) эсрэг үхүүлэх үйлдэл үзүүлнэ. Харин дерматомицет түүнд бага мэдрэг.

Гидрокортизон нь үрэвслийн эсрэг, судас нарийсгах үйлдэл үзүүлнэ. Арьсны үрэвслийн үед илрэх үрэвслийн шинж болон загатнааг намдаана.

Фармакокинетик:

Натамицин болон неомицин нь гэмтээгүй арьс ба салст бүрхүүлээр шимэгдэхгүй. Харин неомициныг шарх, шархлаанд хүргэх үед гэмтсэн арьсаар шимэгдэнэ.

Гидрокортизон нь гэмтээгүй арьсаар 1-3% шимэгдэх ба арьсны үрэвслийн үед түүний шимэгдэлтийн хэмжээ 2 дахин, арьсны халдварт гэмтлийн үед 5 дахин ихэсдэг.

Хүүхдэд гэмтээгүй арьсаар шимэгдэх гидрокортизоны хэмжээ насанд хүрэгсдийнхээс өндөр байх ба системийн цусны эргэлтэнд шимэгдсэн бодисын хэмжээ наснаас хамаарч багасна.

 

 

Хэрэглэх заалт:

Бактерийн ба мөөгөнцрийн (Ялангуяа Candida төрлийн мөөгөнцрөөр үүсгэгдсэн) хоёрдагч халдвараар хүндэрсэн глюкокортикостероидын эмчилгээнд үр дүнтэй арьсны үрэвслийн эмчилгээнд хэрэглэнэ.

Цээрлэлт:

Бэлдмэлийг дараах тохиолдолд хэрэглэхийг цээрлэнэ.

·        Бэлдмэлийн найрлага дахь бүрэлдэхүүн хэсгүүдэд хэт мэдрэг хүмүүс

·        Арьсны сүрьеэ, тэмбүүгийн арьсны илрэл, арьсны вирусын халдвар, вакцинжуулалтын дараах арьсны урвал, нээлттэй шарх, шархлаа

·        Батгашилт өвчин, тархмал кератом, ягаан батгашил

·        Хошного бэлэг эрхтэн орчмын загатнаа, арьсны хавдар

Болгоомжлол!

Дараах тохиолдолд бэлдмэлийг болгоомжтой хэрэглэнэ.

·        Сүрьеэ (системийн гэмтэл)

·        1 хүртэл насны хүүхэд

·        Аминогликозидын бүлгийн антибиотик хэрэглэж байгаа үед гавал тархины IX хос мэдрэлийн гэмтэл илэрч байсан өвчтөн

·        Хэнгэргэн хальс цоорхой үед неомицины дунд чихэнд үзүүлэх шууд үйлчлэл нь сонсгол хордуулах эрсдэлтэй.

Жирэмсэн ба хөхүүл үеийн хэрэглээ:

Бэлдмэлийг жирэмсэн үед хэрэглэх үед неомицины сонсгол хордуулах эрсдлийг анхаарах ба бэлдмэлийг удаан хугацаагаар болон боолтон дор хэрэглэхгүй.

Хэрэглэх арга, тун:

Насанд хүрэгсэд болон хүүхдэд бэлдмэлийг арьсны гэмтэлтэй хэсэгт хоногт 2-4 удаа түрхэнэ. Ээлж эмчилгээний үргэлжлэх хугацаа өвчний явцаас хамаарч хүн бүрт өөр байх бөгөөд ээлж эмчилгээг 14 хоногоос удаан хугацаагаар үргэлжлүүлэхгүй.

Хүүхдэд бэлдмэлийг арьсны жижиг хэсэгт эмчийн хяналтан дор хэрэглэх бөгөөд боолтон дор  хэрэглэхгүй.

Кремийг ялангуяа цочмог болон цочмогдуу явцтай арьсны шүүдэст үрэвслийн үед хэрэглэх бол тосон түрхцийг  цочмогдуу болон архаг явцтай арьсны үрэвсэл, ялангуяа илэрхий хуурай арьс, арьс хатуурч зузаарах, хажирс болон тосон түрхцийн хааж хамгаалах шинж шаардлагатай болсон тохиолдолд хэрэглэнэ.

Гаж нөлөө:

Пимафукортыг гадуур хэрэглэх үед илрэх гаж нөлөө нь бусад глюкокортикостероидын адил ховор тохиолдох бөгөөд эргэж хэвийн болдог.

·        Ховор тохиолдолд харшлын урвал (загатнах, хорсох, улайх, арьс хуурайших) илэрнэ.

·        Маш ховор тохиолдолд арьс нимгэрч хатингарших, телеангиэктази, судал үүсэх, арьсны цус харвалт, ягаан батгашил ба ам орчмын арьсны үрэвсэл, шархны эдгэрэлт удаашрах, арьс нөсөөгүй болох, үс их ургах, эмчилгээг зогсоосны дараа үгүйдлийн шинж илрэх

·        Глюкокортикостероидыг гадуур удаан хугацаагаар буюу их хэмжээний газар болон  боолттой хэрэглэх үед ялангуяа хүүхдэд глюкокортикоидын системийн гаж нөлөө (бөөрний дээд булчирхайг дарангуйлах зэрэг) ажиглагдаж болно.

·        Неомицинд хавьтал харшлын арьсны үрэвсэл үүсэх

Тун хэтэрсний улмаас илрэх нөлөө:

Бэлдмэлийн тун хэтэрсэн талаар мэдээлэл байдаггүй.

Хэнгэргэн хальс цоорхой үед бэлдмэлийг сонсголын гадна сувгийн хэсэгт түрхэхэд неомицины дунд чихэнд үзүүлэх шууд үйлчлэлтэй холбоотойгоор сонсгол хордуулах нөлөө илэрч болно.

Эмийн харилцан үйлчлэл:

Эмийн харилцан үйлчлэлийн талаар тэмдэглэгдээгүй. Неомицин болон түүнтэй химийн бүтцээрээ төстэй бэлдмэлийн (канамицин, паромомицин, гентамицин) хооронд солбицсон харшлын урвал илэрч болно.

Мөн неомицин болон аминогликозидын бүлгийн антибиотикын хооронд солбицсон дасал үүсэж болзошгүй.

Онцгой анхааруулга!

Пумафукортыг зовхи болон нүд орчмын арьсанд түрхэж хэрэглэхэд нүдний даралт ихсэх ба болор цайх эрсдэл нэмэгддэг.

Хүүхдэд бэлдмэлийг их хэмжээний талбайд буюу боолттой хэрэглэвэл гипоталамо-өнчин тархи-бөөрний дээд булчирхайн систем дарангуйлагдаж болзошгүй.

Бэлдмэлийг удаан хугацаагаар хэрэглэж байгаа тохиолдолд шарх шархлаа байгаа үед неомицины сонсгол ба бөөр хордуулах эрсдэл эрсдэл илэрч болзошгүй.

Давтан халдвар буюу мөөгөнцрийн хэт өсөлт ажиглагдвал эмчилгээг зогсоож тохирсон арга хэмжээ авна.

Эмийн хэлбэр:

Гадуур хэрэглэхэд зориулсан тосон түрхэц ба крем

15г-р хөнгөн цагаан хальсаар тагласан, эргэддэг полиэтилен таглаа бүхий хөнгөн цагаан болон пластикан туб-д савлан гаргана. 1 тубыг хэрэглэх зааврын хамт цаасан хайрцганд савлана.

Хадгалалт:

25°С-аас доош хэмд хүүхэд хүрэхээргүй газар хадгална.

Хадгалах хугацаа:

Крем 3 жил. Тосон түрхэц 5 жил. Савлалтан дээрх хүчинтэй хугацаа дууссанаас хойш бэлдмэлийг хэрэглэхгүй.

Эмийн сангаас олгох журам: Жороор олгоно.

« Өмнөх хуудас | Дараагийн хуудас »

Сурталчилгаа